الروتين المكتوبه. المرسوم

لو انت لسه ام جديده او لو انت ام قررت انك تنظيمي حياتك وولادك بشكل افضل، اهم حاجه تبداي بها هي الروتين.

اي روتين في البدايه بيكون صعب و واحده واحده ليصبح عاده بتدخل في المخ في حته الauto pilot ، يعني بتتعمل من غير تذكير.

كل واحد عارف أولاده مدخلهم منين، في ولاد ممكن يكونوا بيعرفوا يقرؤا كويس يبقي هنعمل جدول فيه روتين الصبح و جدول روتين قبل النوم و جنبه بيحط صح ، علي الحاجه اللي خلصها.

في اولاد و دي الاغلبيه العظمي بيعملوا الروتين بالرسم أو الصور ، لأن معظم الأطفال بصريين اكثر ، زي الروتين اللي في الصوره. و بنعلقه في حجره النوم أو مكان واضح

و في اولاد الروتين بتاعهم اغنيه و دي بتكون تأليف و تلحين عائلي 😊 و بنرتب فيها خطوات الروتين زي مثلا : حمام، سنان ، وضوء، صلاه علي لحن معين مع تسقيف.

الحقيقه الروتين فائدته أن بعد فتره بيقل تنبيهك لكل واحد من ولادك ، و بيكفيك كلمه خلصت الروتين؟

✍️ ريهام عبد الحليم

بنقل تجاربي علي امل كل طفل ياخد حقه في أنه يتعلم و يفهم و الصبر عليه❤️

#التربيه_تدريب_مش_فهلوه

#امهات_بتحاول

#فرط_حركه

#تعديل_سلوك