التايمر Timer ⌛

٢-التايمر ⏲️

زمان و أولادي صغيرين ٣ و ٤ سنين كنت بستغرب اوي علي الامهات اللي بيكونوا في منطقه الألعاب و يقولوا يلا هنمشي و أولادهم ماشاء الله بيمشوا عادي 🙂

أو يقولوا خمس دقائق🖐️ و ماشين و يمشوا عادي.

احنا كنا بندخل المكان مش بنخرج😎

الي أن تعرفنا علي التايمر⏲️

وهي حاجه بسيطه و لكن سحريه🪄

بمنتهي البساطه حضري ابنك من البدايه أن احنا هنروح فين و هنعمل ايه   بعد كدا رايحين فين.

مثال:

 ١-نلعب

٢-تايمر ٥ دقائق

٣- نمشي زي الشاطر

٤- ناكل ايس كريم

روحتوا منطقه العاب لازم الورقه في ايدك و تفكريه قبل ما يدخل و يقول وراكي الخطوات و بعدين يدخل يلعب.

 قبل ما يخلص الوقت ،روحي قولي له ٥ دقائق و هنمشي و اعملي تايمر علي الموبايل او هاتي تايمر بلاستيك في ايدك ،

في apps كتير للتايمر و فيها اشكال في واحد اسمه countdown  أو

 Mrbomb and friends.

و كل شويه روحي عنده وخليه يشوف التايمر فاضل قد ايه و يخلص، دقيقتين، دقيقه، لازم الورقه في ايدك.

و اول ما يخلص شجعيه يلا يلا شاطر يلا بينا يلا عشان اتفقنا علي الايس كريم خد الفلوس انت اشتري، مثلا.

مهم يكون في اتفاق و خطوات واضحه و مكتوبه.📝

لقيت نوته كانت دائما معايا في الشنطه، بكتب فيها الخطوات عشان افهم ابني هيحصل ايه ☺️ واحده واحده و كله بالتدريب🤌

بكل الحب بكتب عشان كل طفل يأخد حقه أنه يتفهم و الصبر عليه❤️

✍️ريهام عبدالحليم.

#كنت_مكانك 

#التربيه_تدريب_مش_فهلوه 

#من_حقك_تتعلم 

#امهات_بتحاول #تعديل_سلوك #انت_مش_لوحدك #اطفالنا