التعزيز reinforcement

#التعزيز reinforcement 

التعزيز هو انك كاب/أم  ،أو معلم/معلمه بتشوف حاجه بيعملها الطفل رد فعلك عليها اسمه تعزيز و ممكن يكون سلبي او ايجابي.

 

التعزيز معناه إنك بتعطي مكافاه علي السلوك ماديه أو معنوية .

تعزيز إيجابي(+) يعني مكافاه محببه أعطتها للشخص.

تعزيز سلبي(-) يعني حذفت شي غير محبب كنوع من المكافاه.

*  مثال لو ابنك عليه قبل ما ينام:

 ١-يروق الاوضه

 ٢-يرجع الكتب مكانها 

 ٣-يغسل سنانه

 فالأم تري أن الولد روق الاوضه كويس جدا فتقول له رائع جدا و الغرفه شكلها منظم عشان كدا انا هساعدك و ارجع الكتب و انت اغسل سنانك.

 هنا التعزيز سلبي(-) يعني طرحت شئ للمكافأة ،فاكيد الطفل هيكون مبسوط لأن المهام بتاعته خفت.

 

 أما التعزيز الإيجابي(+) فهو إضافة شئ للمكافأة.

لو اخدنا نفس المثال اللي فوق، بعد ما الطفل خلص المهام المطلوبه، كان في تشجيع من الأم و فرحه أنه خلص مهامه و  حضنته وضعت له نجمه بجانب كل مهمه أنجزها أو ملصق (استيكر ) محبب له، هنا دا اسمه تعزيز إيجابي(+) انا عملت مكافأة للسلوك بإضافه شي محبب.

**في الحالتين المطلوب أنه الطفل يشوف أن المجهود اللي بيعمله متشاف ، ماما/ بابا/ المعلم شايف أن انا بتعب و بحاول و أن في نتيجه بيحصل عليها الطفل، دا بيؤدي أن الطفل بيتحفز أنه يكون افضل و احسن لانه عارف ان في تعزيز(تقدير) سوف يحصل عليه.

اتمني تكون وضحت الفكره☺️

مفيش عصايا سحريه تحل المشاكل🪄 ، في مجهود مبذول قصاده نتيجه مرجوه.

بكل الحب أن كل طفل يأخد حقه أنه يتفهم و حقه في أنه يتعلم❤️

✍️ ريهام عبد الحليم 

#كنت_مكانك

#التربيه_تدريب_مش_فهلوه

#امهات_بتحاول

#انت_مش_لوحدك

#تعديل_سلوك